ايييييييه رأيكم؟؟؟(أرجو دخول الجميع)

السلام عليكم ورحمة الله

أخى الكريم اختى الكريمة :
ما رأيك فى منتدى دعوة الاسلامى؟؟
جمييييل جدا ما شاء الله لا قوة إلا بالله مواضيعه رائعة وفعالة و........
وما رأيك فى منتدى كذا أو كذا من المنتديات الدينية
جميييييل ما شاء الله ورائع و.........
طب ممكن اسألك سؤال؟؟

انت استفدت ايه من منتدانا النهارده؟؟؟
هتقولى انا لسه داخل دلوقتى!!!
هقولك طب امبارح ...
طب أول امبارح...
أخى أنا ظنى فيك خير ولا بد أنك قد قرات موضوع كذا وأعجبك موضوع كذا وعلقت على موضوع كذا
وبقى شئ واحد

هو أن تخزن كل هذه المواضيع فى الهارد اللى فى دماغك !!!

هتقوللى : مانا طبعا مخزنها فى دماغى!!! ده انا حتى ممكن اقولك أنا قريت ايه امبارح واستفدت منه ازاى...
ماشى يا أخى بس لو جيت سألتك بعد كام يوم .. هتفضل فاكر ؟؟

إخوتى العلم صيد والكتابة قيد فهل يفيد الصيد شيئا إذا لم تقيده ؟؟؟ ليه يبقى الكلام اللى بنقراه يدخل من عين ويطلع من العين التانية؟؟؟

وإليكم فكرة بسيييييييييطة ممكن متاخدش أكتر من خمس دقايق

تجيب اجندة (سهلة دى)
وتسميها اجندة المنتديات
وتقسم كل صفحة من صفحاتها جدول 3 خانات (مثلا)1- خانة اسم المنتدى او الموقع 2-خانة الاضافة 3-خانة الاستفادة وفوق خالص التاريخ طبعا
وكل اللى هتكتبه هو :
اسم الموضوع اللى أضفته
اسم الموضوع اللى استفدت منه
وانا بقول الاسم فقط لأنى أعلم أخى انك قرات الموضوع نفسه مثلا واستوعبته جيدا فلا داعى لكتابة شئ سوى اسمه لكى يذكرك بمحتواه...
أما بالنسبة للموضوع اللى بتضيفه بنفسك فانت تكتبه برضه عشان تبقى عارف مواضيعك المضافة وما تنساهاش ان شاء الله ...
إخوتى أنا بدأت اجرب الموضوع ده على النهارده فقط .. لقيت نفسى استفدت حوالى 6 مواضيع !!! وظبطتهم فى دماغى !!
فما بالكم وانتم جميعا خير منى إن شاء الله ؟؟
وما بالكم إذا جمعنا رصيد الأسبوع ؟؟؟؟ أو الشهر ؟؟؟ ونطلع عليه بين الحين والاخر ...
ليكون بمثابة refreshment أو تنشيط للمعلومات التى استفدناها
تخيل كم المعلومات التى ستكتسبها بإذن الله بل وتخزنها كذلك !!!

يلا قولو رأيكم ولو أى حد عنده تعديل يقول طبعا كلنا عيزين نستفيد...ومعذرة على الاطالة

السلام عليكم ورحمة الله وبركاته
فكرة رائعه جدا بجد عمرها ما خطرت ببالى
وبأذن الله انا هعملها وكمان هنشرها كى يستفيد منها كل المسلمين والمسلمات
جزاك الله خيرا اخى فى الله

جزاك الله خير ان شاء الله اخى فى الله
طب مينفعش نعمل صفحه خاصه بالاعضاء ونكتب فيها كل اسبوع الموضوعات الا كل عضو استفادها
ياريت تشوف وان شاء الله ربنا يكرمك باذن الله