ليه الناس بتدخل في حياه كل الناس بطريقه تضايق كل الناس ؟!

الناس دول مين أهلك صحابك زميلك في الشغل اللي عايشين حواليك
عمرك فكرت مرة أنك ممكن تبقى عايش مع حد من يوم ما إتولدت وميبقاش فهمك ومش حسك

وتعرف حد يجي يدخل حياتك ويفهمك وترتاح معاه بس تعرف في ناس بتضايق اه تخيل ناس بتضايق عشان هما مش فاهمين وناس تانية بتضايق عشان مش لاقين وناس بتضايق عشان أصلا هما ناس وحشين
أنت عارف بتحس انك عايز تداري الحد اللي عرفته عن كل الناس لأن ببساطة اللي بيحصل كالتالي :

فلانه وفلانه قربوا من بعض.. أكيد في حاجة...!
فلان وفلانه بيتكلموا مع بعض تفتكرو ماشيين مع بعض ولا إيه؟؟
فلان وفلان بيخرجوا مع بعض كتيير أكيد عايز منه حاجة
هو حد بيعرف حد لله في لله ؟؟ أكيد في إنّ

هو ليه الناس دايما فكرة إن أى موضوع في ( إن) وليه لو حصل لواحد منهم نفس الموقف يعد يبرر لنفسه أدام الناس اللي كان قريب واحد منهم .
انا نفسي أعرف ليه الناس بتضايق لما اتنين يقربوا من بعض ويفضلوا يسئلوا أسئلة

ليه قربوا بسرعه كده ؟؟
طيب إيه صحاب ولا إيه .. ؟؟

ولو صحاب على فكرة أكيد في حاجة ..

و تبتدي بدل ما كنت بترتاح معاه بتبقى بتحارب عشان تحافظ عليه وبدل ما كان الكلام على بنحب إيه وبنكره إيه ونفسنا نعمل إيه ونحقق إيه ونروح فين وهندارى إزاي وهنعمل إيه عشان نرتاح ؟؟

تلاقي الكلام هنعمل إيه ونروح فين وبنكره مين وبنحب مين في كل الناس
وتعرف كمان ده فجأه ممكن تحس ان الحد اللي أنت واقف للدنيا عشانه هو كمان زيه زي كل الناس بس أنت مكنتش شايف ... أو كنت بتضحك على نفسك زي كل الناس وممكن يطلع إنسان جميل بس الناس مش شيفاه كده شيفاه واحد من الناس اللي هما الوحشين ده بس لمجرد انك بتحافظ عليه وعايزة يفضل جنبك فابيبتدوا يتدخلوا في حياة كل الناس بطريقة تضايق كل الناس

طيب يا ترى.. والسؤال بقى

لما تلاقي واحد من الناس صاحب حبيب حد مرتاح له وخلاص

إزاى تعرف ان مش واحد من الناس زي كل الناس ؟
إزاي تحافظ عليه من الناس ؟

لا تقاس الطيبة ببشاشة الوجه
فهناك قلوب تصطنع البياض
فهناك من يجيد تصنع الطيبة
ويخبئ بين زواياه خبثاً وريبة
*******
لا يقاس الجمال بالمظهر
ومن الخطأ الاعتماد عليه فقط..
فقد يكون خلف جمال المظهر قبح جوهر
*******
لا تقاس حلاوة الإنسان بحلاوة اللسان
فكم من كلمات لطاف حسان
يكمن بين حروفها سم ثعبان
فنحن في زمن اختلط الحابل بالنابل..
في زمن صرنا نخاف الصدق
ونصعد على أكتاف الكذب
*******
لا يقاس الحنان بالأحضان
هناك من يضمك بين أحضانه
ويطعنك من الخلف بخنجر الخيانه
والفرق شاسع ومدفون
بين المعلن والمكنون
*******
لا تقاس السعادة بكثرة الضحك
هناك من يلبس قناع الابتسامة
وتحت القناع حزن دفين وغصات ألم وأنين
*******
لا تقاس الحياة بنبض القلوب
فهناك من قلبه تعفن داخل أضلعه
وهناك من مات ضميره وودعه
وعلى الضفة الأخرى آخر كتمت أنفاسه
وثالث قتل إحساسه مقبرته
في عينيه شاهد حزن عليه
*******
لا يقاس البياض بالنقاء ولا السواد بالخبث
فالكفن أبيض والكحل لونه أسود
وبينهما يسكن الفرق
*******
لا تقاس العقول بالأعمار
فكم من صغيرعقله بارع
وكم من كبير عقله خاوي فارغ
*******
لا تقيسوا محبتكم بحجم حروفي
فما يحمله قلبي يعجز عن نثره قلمي
وما يسكبه مداد حبري..
قليل من كثير في دمي يجري

كلام جميل اخى فى الله
زاد موضوعى جمالا بمرورك الكريم

زائر

كلنا واحد من الناس وكل واحد شايف نفسه بنظرة غير النظرة اللى شايف هو بيها الناس وفى الاخر احنا بردو من الناس بنعمل اللى بننتقد الناس لما يعملوه بنشوف اخطاء غيرنا واضحة اوى عندنا حب فضول بس متفاوت من واحد للتانى موضوع جميل بارك الله فيكى