ادخلوا بسرعه يلاااااااااااااااااا

السلام عليكم ورحمه الله وبركاته

ازيكم يا جماعه

ممكن تقبلونى عضوه جديده معاكوا

النهارده بقى جايه اقولكم احنا عاملين جروب لحفظ القران بس على منتدى تانى
اللى عايز يشترك معانا يقولى وانا اقوله هيشترك ازاى

طبعا باذن الله هيكون ليا نشاط معاكوا بس انا حبيت نكبر عدد الجروب ونشجع بعض

يلا سلام الوقتى علشان بتفرج على الماتش ادعوا لمصر بقى

سلام عليكم
ا

شكراً ليكي د \ سنووايت على المشاركة وياريت تقوليلنا ازاي نقدر نشترك في الجروب ده وان شاء الله هنكون معاكم وبرضوا نتناقش للوصول لأحسن نتيجة لأن الهدف الرئيسي هو نشر الدين واننا كلنا نحفظ كتاب الله طبعاً ونتعلمه كما ينبغي ولكي جزيل الشكر ووافر التحية والتقدير

اهلا بحضرتك معانا

هو الجروب على منتدى تانى مش هينفع اعلن عنه كده لكن اللى موافق هبعتله المنتدى والنظام اللى بنحفظ بيه فى رساله خاصه
متهايئلى كده احسن ولا ايه رايك
ا

اهلا بيكى يا اختى
انا فعلا كنت عاوزة احفظ قران
ربنا يباركلك بس قوليلى اشترك ازاى

اختنا في الله لو معندكيش مانع تبعتلي المنتدى وطريقة التحفيظ هكون شاكر جدا وممكن
نعمل اعلان عن الجروب هنا في المنتدى وبكده اللي هيحب يشترك هيكون اسهل عليه وفي نفس الوقت اعلان للمشروع نفسة وبرضوا احنا هنستمر في فكرتنا ونعرض على الناس الطريقتين وكل واحد يختار ما يناسبة من الطرق
عسى الله أن يجعله في ميزان حسناتنا جميعاً إن شاء الله
وبارك الله فيكم

انا شوفت انكوا ماشاء الله نفذتوا الفكره هنا كويس اوى
ملهاش لازمه بقى فكرتى
عامه ربنا يوفقكوا وان شاء الله نحفظ القران كلنا و
حاولوا تنشروا الفكره فى كل المنتديات

سلام عليكم وبالتوفيق باذن الله

جزاكم الله خيراً إن شاء الله وبارك الله فيكم ونسأل الله العون لنا ولكم إن شاء لله
وجاري تجهيز موضوعات وطرح أكبر لموضوع الحفظ ان شاء الله

كده تمام اوى

يلا ربنا يوفقكم واى خدمه ممكن اقدمها انا معاكوا

لو مفيش مانع طبعاً تبعتيلي الرابط بتاع مجموعه التحفيظ بتاعكم وان شاء الله نحاول نكمل بعض إذا كان في أي حاجه حد يقدر يقوم بيها لإفادة المجموعة التانية أكيد هيكون أحسن ومادام الهدف واحد فلماذا لا يكمل بعضنا بعضاً ؟
وزي ما قولت قبل كده انا معنديش مانع اني اعمل اعلان عن الجروب هنا ويكون الاختيارات متاحه أمام الجميع لأن تسابقنا هو تسابق نحو الافضل وليس تسابق نحو الشهرة
وجزاكم الله خيراً

اوك وانا معنديش مانع خالص

المهم بقى هقولكم احنا نظامنا ايه

[ندعوك للتسجيل في المنتدى أو التعريف بنفسك لمعاينة هذا الرابط]

ده لينك توبيك انا شارحه فيه نظامنا فى الحفظ اتنمنى تقروه

وكمان بنسمع علشان نتاكد اننا حفظنا ونشجع بعض يعنى

[ندعوك للتسجيل في المنتدى أو التعريف بنفسك لمعاينة هذا الرابط]

وده لينك الجروب اسمه الرجوع الى الله

وكمان انا بحفظ بالتفسير علشان ده بيسهل الحفظ علشان منساش

وبقرا التفسير من هنا طبعا فى مواقع تفسير كتير كل واحد بقى يشوف موقع بيفهم منه

[ندعوك للتسجيل في المنتدى أو التعريف بنفسك لمعاينة هذا الرابط]

وكمان فى جدول زمنى بس لامانه مش انا اللى عملاه

[ندعوك للتسجيل في المنتدى أو التعريف بنفسك لمعاينة هذا الرابط]

واللينك ده برضه فى دروس هتفيدكوا فى الحفظ

تمنياتى ليكم بالتوفيق باذن الله واى استفسار انا فى الخدمه

جزاكم الله خيراً ولكم جزيل الشكر وكل التحية والإحترام والتقدير

وجزاك مثله يا مستر حسام