ماذا تفعل اذا قام الرسول بزيارتك ؟

بسم الله الرحمن الرحيم

السلام عليكم ورحمته وبركاته

ماذا تفعل اذا قام الرسول بزيارتك في بيتك في هذه الايام ؟

هذا الموضوع قراته في احد المنتديات منذ حوالي فترة .

وقد اعجبني جدا ً وكان يتحدث انه اذا زارك الرسول صلي الله عليه وسلم في بيتك دون ان تكون مستعد ماذا تفعل ؟

تصور معي الموقف كده انت رايح تفتح الباب

وبتبص من العين السحريه لاقيت انسان وجهه ملئ بالنور وابتسامته تشع في داخلك الفرح ، وايقنت أنه رسول الله صلي الله عليه وسلم .

ولكن يا خسارة انت هفتح له ازاي ؟

ده انت ناسي التلفزيون علي قناة اغاني الي مليانه بالكليبات وما ادراك ما الكليبات هذه الايام

ويا خبر ده اخوك قاعد علي الكمبيوتر عمال يتكلم مع احد البنات علي النت .

واختك قاعده عماله تحط مكياج

واختك التانية زمانها جايه دلوقتي وهي نزلة نص محجبة ومش محجبة

ووالدك عمال يشرب سجاير

وأمك عماله تشتكي لأبوك همومها وعماله تشتم في بائع الخضار

طيب تعمل ايه ده الرسول علي الباب !

ايه العمل دلوقتي ؟

تفتح ولا ما تفتحش

مشكلة كبيرة .

ياريت كلنا نفكر في الجواب والعمل في هذا الموقف يكون ازاي ؟

بصراحه وانا بفكر في الجواب علي هذا الموقف

فكرت في مدي الرعب والخوف الي الواحد هيكون فيه .

فقولت في نفسي طيب ما هو ربنا شايف كل الناس ومطلع علي كل تصرفاتهم

فليه بقي ما بيخفوش من ربنا ؟

هل يا تري مش واثقين ان ربنا شايفهم ولا ايه الحكاية ؟

هم ليه ما بيستحوش انهم يعملوا المعصيه وربنا مطلع عليهم ؟

الاجابة الوحيده انهم مش مقدرين خطورة الموقف ، ومش مقدرين ان ربنا مطلع عليهم .

بس سبحان الله وسبحان عظمة الله وسبحان رحمة الله

يعني رغم ان الواحد بيغلط قصاد ربنا اما بيجي يتوب ربنا بيسمحه

طيب شوف انت ان عملت حاجة غلط قصاد مديرك أكيد هيخصملك من المرتب

ولكن شوف رحمه ربنا بيغفر للأنسان ازاي .

وسبحان الله الواحد اما بيرجع للذنب تاني ويرجع يتوب

ربنا يتقبل منه التوبه تاني طالما التوبه صادقه وفي نيه الواحد انه مش يرجع للذنب تاني

وفيه ناس بترجع وبتوب وبترجع وبتوب ألخ ...

وسبحان الله ربنا بيتقبل منهم التوبه وحتي وان تاب دشليون مرة

ولكن الخطورة بقي ان الواحد يفتكر انه ما فهوش أمل ويبطل يتستغفر ربنا

يبقي هو في هلاك محقق .

يبقي أهم حاجة اننا نبقي عرفين كويس ان ربنا شايفنا

بس ان غلطنا نقوم علي طول بالاستفار لربنا ودعاءه بالعفو عنه

وأحب أختم موضوع بايه قرآنية قال تعالي : ( قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ ) .

لا حول ولا قوة الا بالله
عندك حق اختى فى الله
ربنا يهدينا جميعا
ويصلح حال امة الحبيب امين

امـــــــــــــــــــــــين يارب العالمين
يهدينا ويهدي امه الاسلام اجمعين
وجزاك الله كل خير

اللهم حبب الينا الايمان
واجعل السنتنا عامرة بذكرك
وقلوبنا خاشعة
واجسامنا على البلاء صابرة
اللهم اميييييييين

ماذا تفعل اذا قام الرسول بزيارتك ؟ Alfaris_net_1239740326