دعوة للنقاش

موضوع: دعوة للنقاش السبت مارس 14, 2009 10:51 pm

دعوه للنقاش

اخواتى الحبيبات

انا عندى سؤال من زمان محيرنى جدا
وبيلفت نظرى كتير سواء قريت عنه أو اتفرجت عليه فيديو على النت أو عمل ضجه وفرقعه
الكلام على المسلمات أو المسلمين التائبين
أو على الى كان على مله غير الاسلام وبعدين ربنا منّ عليهم بفضله وأسلموا
سؤالى هو ليه بيكون اسلامهم غير اسلامنا
ليه باحس ان اسلامهم بيطبقوه بالكتاب والسنه
بحذافيره
ليه احنا مسلمين الوراثه بنمشى فى اسلامنا وتطبيقنا لتعاليم الاسلام على سطر وبنسيب سطر
ليه باحس انهم بيحبوا ربنا أوى اكتر مننا بكتير
ليه باحس انهم بيحبوا الرسول وبيطبقوا سنته
الى احنا هاجرينها وكل ما حد يكلمك يقولك يا عم دى سنه ما تحبكهاش بقى
أه سنه رسولنا صلى الله عليه وسلم
ليه بقينا بنستخف بيها ونستهون بتطبيقها
عايزه أعرف رأيكم حبيباتى فعلا انتوا كمان حاسيين نفس احساسى ده ان اسلام الوراثه
غير الاسلام اليقين بالحق ونور المعرفه
حد حس قبل كده انه قليل وصغير أوى قدام الناس الى لسه يا دوب بتحبى فى اسلامها
ومع ذلك مشى خطوات بل اميال فى تطبيق دينه اكتر منك
يا رب تتفاعلوا وتقولولى ايه رأيكم

موضوع: رد: دعوة للنقاش الأحد يونيو 14, 2009 1:48 pm

جزاكي الله كل خير اختي في الله
ونحن بصدد تطبيق ما تقولين فعلا
في دعوة لاحياء السنن المهجوره

https://daawa.yoo7.com/montada-f27/topic-t2138.htm

ارجوا التفاعل فيها
وبتكون
اي عضو بينزل سنه من السنن كل اسبوع
يوم الجمعه
حاولي تطبيقها معانا

موضوع: رد: دعوة للنقاش الأحد يونيو 14, 2009 2:26 pm

انا كمان بأيد رأيك أختي في الله ومعاكي في كل اللي بتقوليه وكمان بأيد فكرة الأخت عاشقة الجنة في فكرة إحياء السنن المهجورة لأنها فعلاً خطوة نحو التقدم والتواصل مع الله وكمان سبب لشفاعة خاتم الأنبياء سيدنا محمد صلى الله عليه وسلم

وبارك الله فيكم جميعاً إن شاء الله وتقبل الله منا ومنكم

السلام عليكم اختى
كلامك صح انا بحس ان احنا مسلمين بالوراثه
طلعنا لقينا نفسنا مسلمين من غير جهد ولا تعب
وده فضل من ربنا علينا بس لازم نبحث و نعمل بالسنة و بالقرأن
عشان نكون مؤمنين صح
وهل يستوى الذين يعلمون والذين لا يعلمون
لازم نتعلم دينا و فقهنا و سنة حبيبنا صح و نعمل بيها
ربنا يوفقنا جميعا
شكرا لكى اختى و جزاكى الله خيرا