مقترحات تتطلب مشاركتكم فيها

مقترحات تتطلب مشاركتكم فيها

1 ــ انشاء قسم باللغة الانجليزية ؟

2 ــ انشاء قسم التنمية البشرية ؟

3 ــ انشاء قسم موضوعات علمية ؟

4 ــ ما ينبغي فعله لزياده اعضاء المنتدى ؟

5 ــ ما يجب فعلة لحث الاعضاء على الدخول ولمشاركة ؟

6 ــ لقاء شهري لجميع الاعضاء لبحث تطوير المنتدى ؟

7 ــ طريقة تحديد افضل عشر اعضاء ؟

8 ــ تحديد افضل عشر اعضاء يكون شهري ام اسبوعي ؟

ارجو المشاركة من جميع الاعضاء والاهتمام بارك الله فيكم

السلام عليكم ورحمه الله وبركاته
بارك الله فيك اخي في الله حسام
من رائي ان
تحديد افضل عشر اعضاء يكون اسبوعي

طب وباقي الاقتراحات يا اخت تسنيم ايه رأيك فيها ؟

اكيد طبعا موافقه علي قسم اللغه الانجليزيه لانه مهم جدااااااااااااا
والموضوعات العلميه برضو مهم
بس انا مش فاهمه التنميه البشريه ده هايكون مختص بأيه؟
واللقاء الشهري برضو مهم بس الاهم اننا نتجمع كلناومننفضش هههههههههههه زي امبارح

التنمية البشرية هي موضوعات تعمل على تنمية القدرة العقلية للانسان
وتساعد على إعمال كل جزء في عقل الانسان مما يؤثر بالإيجاب على الحياه العمليه أيضا ممكن نعرفها كمان بالدكتور ابراهيم الفقي لان كان في حلقات تلفزيونية له في التنمية البشرية
اما بالنسبة للتنفيض
فا اعتقد ان لو كان في وقت محدد كل شهر اكيد الاعضاء هيحاولو يحافظو عليه
لكن برضو مرتيش على كيفية اختيار الاعضاء
يعني بعدد مشاركتهم ولا عدد موضوعاتهم ولا بحضورهم ؟

انا افضل ان الترشيح يكون علي اساس الموضوعات
مش المشاركات
لان المواضيع تبذل فيها مجهود اكبر من مجرد الردود
وكمان المواضيع كل ماكانت اكتر كل ماكان ده مفيد للمنتدي
وكمان عشان ينشط الاعضاء

السلام عليكم ورحمة الله وبركاته
ربنا يعينك يا حسام ويأجورك علي تعبك انا من رائي
هذه رد علي اسئلتك
1- هيكون قسم مفيد ان شاء الله وياريت يكون فيه برنامج للترجمه للافاده الاكتر
2-وعلي شرحك لقسم التنميه فهذه فكره جديده وان شاء الله تكون مفيده
3-عاوزه اعرف الموضوعات العلميه هتختص ببرامج ولا شرح
4-وانا من رائي احنا ممكن عن طريق اقاربنا واصدقائنا ندعوهم لزيارة المنتدي وبكده لو كل واحد فينا ليه 20 من الاقارب و20 من الاصدقاء فسوف بهذا يكثر عدد الاعضاء في المنتدي ولاحق انت بقا علي الاسئله هههههههههههههه
وانا فعلا اللي بحاول اعمله اذا كلمت حد من اقربي ومعارفي واصدقائي بس المرحله القادمه ان شاء الله سافعل اقصي جهدي علشان امتحاناتي الاسبوع ده
واكيد لما نحث الاعضاء الجدد علي ان دي دعوة لنشر الاسلام وتعريف بالرسول صلي الله عليه وسلم
فهذا حث قوي علي دخولهم المنتدي
واما عن الباقي فانا موافقه علي اقتراحك وبدووووون تنفيض
والسلام عليكم ورحمة الله وبركاته

يا جماعه انا اقترحت علي حسام ان يكون في المنتدي قسم للبرامج
حتي يساعد علي دخول عدد كبير من الاعضاء للمنتدي لان البرامج
بتشد العضو لدخوله المنتدي وهو قالي مشكور ان اعرض الاقتراح ده علي قسم المقترحات
ويارب يكون خير لنا وللجميع

ان شاء الله بجد هشوف الموضوع ده بعد اراء الاعضاء طبعا

السلام عليكم ورحمة الله وبركاتة
جزاك الله خير

ااا اخى فى الله
وبالنسبة لرئى

1 ــ انشاء قسم باللغة الانجليزية ؟ موافق ان شاء الله وممكن نعملاكثر من منتدى فرعى فى هذا القسم يعنى مثلا ممكن نضيف اللغة الفرنسية كمان

2 ــ انشاء قسم التنمية البشرية ؟ موافق لكى نتعلم جميعا كيفية يصبح المسلم ناجحا وفعالاً في المجتمع

3 ــ انشاء قسم موضوعات علمية ؟اعتقد ان فية بديل لية فى المنتدى وهو قسم الاعجاز العلمى

4 ــ ما ينبغي فعله لزياده اعضاء المنتدى ؟من وجهة نظرى لو كل واحد اشترك فى مجموعة بريدية اسلامية وعمل عليها اعلانات للمنتدى دة هيكون مفيد جدااا

5 ــ ما يجب فعلة لحث الاعضاء على الدخول ولمشاركة ؟ المواضيع الهادفة يعنى مثلا ممكن نعمل موضوع عن العقيدة وكل الاعضاء يقولو اية اللى يعرفوة عن العقيدة دة مثلا وفية طبعا مواضيع جديدة

6 ــ لقاء شهري لجميع الاعضاء لبحث تطوير المنتدى ؟انا لا ارجح فكرة الشات ولكن ممكن نعملفى المواضيع التى تحدثت عليها فى النقطة السابقة

7 ــ طريقة تحديد افضل عشر اعضاء ؟بالمواضيع وليس بالردود على ان العضو الذى ينقل او يكتب موضوع لايجوز نشرة يتحرم من المسابقة

8 ــ تحديد افضل عشر اعضاء يكون شهري ام اسبوعي ؟اسبوعية علشان تخلينا كلنا نبذل مجهود

ولى ملحوظة اخرى على ان نقراء المواضيع جيدااااا وان نضع رد فى نفس الموضوع يعنى اضيف نقطة جديدة للموضوع او ما فهمتة من الموضوع بكدة بجد هنبقى على الاقل لو العدد ثابت بس احنا هنكون بنستفاد
واسف للاطاله
والسلام عليكم ورحمة الله وبركاتة

الله ينور عليك يا اه علاء اجابة متكامله ربنا يكرمك
لكن انااعتقد ان فعلا لازم يكون في على الاقل كل فترة لقاء الاعضاء حتى للتواصل بينهم وبين بعض
وده اكيد هيكون راجع بفايده على المنتدى

السلام عليكم ورحمه الله وبركاته
ربنا يعينكم جميعا بجد افكار جميله جدا ومتميزة وانا معاكم فى ارائكم وبضم صوتى للاخ علاء ولا ارجح فكره الشاتء
والله ولى التوفيق لما يحبه ويرضية

ايه راي حضرتك لو يكون في جزء عن تعليم اللغات والكمبيوتر هايكون مفيد جدا وخصوصا انه حاجه مطلوبه جدا والمسلم لازم يكون حاجه مفيده مش بس بيقرا في الدين لازم يقرا وينفذ ويفيد مجتمعه و يكون بمظهر لائق يعني لو واحد متدين ومثقف وبيعرف يتعلم انجليزي مثلا وعارف عن الكمبيوتر وذكي ساعتها مش هايكون بس متدين وخصوصا التدين الناس واخده عنه فكره غلط انهم منكبين عالماضي وميعرفوش حاجه عن التطور ولما يكون بيعرف يتكلم انجليزي ويتعامل مع الكمبيوتر هايكون كويس ومفيد وليه واجهه كويسه للدين والرسول قال (خير الناس انفعهم للناس ) وساعتها هانكون فدنا الناس بانهم اتعلمو انجليزي وكمان عرفو عن الكمبيوتر وممكن نعمل دورات عن الانجليزي ويشارك فيها الاعضاء ولو في حد متتخصص في اللغات والكمبيوتر هاتكون حاجه كويسه جدا وكفايه انك تكون ساعدت في تعليم ناس كتير يجازيك ربنا خير عليهم حسنات في يوم القيامه ودي وجهه نظري ةحضرتك ذي ما تحب تقبل الموضوع او ترفضه وسلام

ان شاء الله الموضوع قيد البحث وسوف يتم تفعيله في اقرب وقت ان شاء الله
وشكرا على المشاركة البناءة
والله الموفق

السلام عليكم ورحمه الله وبركاته
بارك الله لكم على هذة الاقتراحات
اعزرونى لانى اتأخرت فى الرد بس عشان الامتحانات كانت شغاله وربنا الموفق
انا موافقه على انكم تعملو قسم للغله الانجليزيه
وقسم للتنميه البشريه واكيد طبعا حنستعين بدروس الاستاذ ابراهيم الفقى
وكمان مش بقترح فكرة الشات بس احنا عندنا قسم للتطوير المنتدا ممكن كل عضو يقترح اى فكرة والادارة هى ممكن تشوف اذا كانت الفكرة ناجحه ام لا
وبأيد العضو نوريا فى الاقتراح الا اقترحه بالنسبه لقسم للكمبيوتر ومش عارفه فكرة التعليم اللغه الانجليزيه دى حتنفع ولا لاء بس مبدأيا قسم برامج الكمبيوتر
وبارك الله فيكم وتقبل الله منا ومنكم صالح الاعمال
وجعله الله فى ميزان حسناتكم

حسام هرجة كتب:: مقترحات تتطلب مشاركتكم فيها

1 ــ انشاء قسم باللغة الانجليزية ؟
ما شاء الله _على بركه الله
2 ــ انشاء قسم التنمية البشرية ؟
ما شاء الله جميل على بركه الله
3 ــ انشاء قسم موضوعات علمية ؟
ما شاء الله جميل على بركه الله
4 ــ ما ينبغي فعله لزياده اعضاء المنتدى ؟
ان كل عضو ينشر المنتدى بقدر المستطاع
5 ــ ما يجب فعلة لحث الاعضاء على الدخول ولمشاركة ؟
ان تكون الموضوعات مفيده وجذابه وجديده ومؤثره وايجابيه
6 ــ لقاء شهري لجميع الاعضاء لبحث تطوير المنتدى ؟
افضل انه يكون كل 3 شهور
7 ــ طريقة تحديد افضل عشر اعضاء ؟
افضل انها تكون كل 3 شهور ايضآ
8 ــ تحديد افضل عشر اعضاء يكون شهري ام اسبوعي ؟
شهرى
ارجو المشاركة من جميع الاعضاء والاهتمام بارك الله فيكم

بارك الله فيكى اختى سلفيه
وجزاكى الله الجنه

وفيكى بارك الله اختى الكريمه
حياك الله واكرمك واعزك

احبكم في الله تحديد الافضل عشر اعضاء يكون عن طريق جودة الرسائل وليس بكثرتها

وياريت يكون فيه لقاء شهري في المنتدى و
طريقة تحديد افضل عشر اعضاء تكون شهرية
عشان تعبك انته ربنا يعينك يا استاذ حسام
وياريت كل واحد يعرف حد يقوله وجزاكم الله خيرا

السلام عليكم
اتفق مع اول نقطه مع نعم مقاوم
ولكن لا افضل اللقاء الشهري
ربنا يعينكم

جزاكم الله خيراً إخواني وأخواتي في الله وشكراً لجميع من ساهم في هذا الموضوع
ونسأل الله العظيم أن يجعل هذا المنتدى في ميزان حسناتنا جميعاً إن شاء الله
وأن يتقبله منا خالصاً لوجهة الكريم وأن يهدينا ويهدي بنا ويرزقنا الجنة إن شاء الله

ونسأل الله العون لنا جميعاً
وبارك الله لكم وفيكم وعليكم وتقبل الله منا ومنكم إن شاء الله

السلام عليكم و رحمة الله
فعلا موضوع جميل جدا ومقترحات جيده
ترشيح احسن موضوع يكون عن الاستفاده منه وليس بكثرة الرسائل
كمان لقاء الاعضاء يكون جيد جدا لانه تواصل بينهم و كل منهم يتوصل لاحسن شىء ينمى المنتدى ويفيد اعضاءه شكرا لك اخى و وفقك الله لما يحبه و يرضه

كل الشكر والتحية و التقدير اختي في الله على التواصل والمقترحات
جزاكم الله الجنة ان شاء الله