هاام جرحى فلسطين في مصر يحتاجون إلى مرافقين

السلام عليكم ورحمة الله وبركاته
وصل إلى مصر الكثير من الجرحى الفلسطيني من الاطفال والرجال والنساء
الآن اتحاد أطباء العرب بدار الحكمة تعطي تصاريح لمن يريد أن يكون مرافق لأحد المرضى

فقط 3 ساعات من وقتك تعمل كمرافق لجريح ليس معه أحد من أهله
فقط 3 ساعات في الاسبوع ولك الاجر والمثوبة من عند الله

غير مطلوب من المتطوع ان يكون متخصص في أي مجال طبي
ولكنه فقط يقدم الدعم النفسي الجريح

مستشفى فلسطين بمصر الجديدة
- مستشفى الهلال برمسيس
- مستشفى الهرم بالهرم
- معهد ناصر بشبرا

كما سيتم توزيع تصريح لكل متطوع لدخول المستشفى وزيارة الجرحى وذلك بعد ملئ استمارة التطوع

كثير منا يقول افتحوا باب الجهاد
اليوم علينا مهمة اسلامية وقومية إغاثة اخواننا الجرحى ليس بمالك ولكن جهادا بوقتك معهم

الزياره بمعهد ناصر

من 8_2 يوميا .....ماعدا الجمعة من صلاة الجمعة

لو عايز تاخدلهم حاجه معاك

1_ممكن تاخد غيارات أو بطاطين (ليهم الاولويه)

2_ممكن أكل.. فاكهة ..

3- فلوس

اذا كنت لا تستطيع المشاركة فانشر الموضوع لكل من تعرفه

بارك الله فيكي وتقبل الله منا ومنكم صالح الأعمال
إن شاء الله بكرة هكون هناك في مستشفى فلسطين بمصر الجديدة لأنها الاقرب ليا
وهعمل اعلان بالموضوع للمنتدى عسى أن يحب أحد الأعضاء المشاركه بساعه من وقته إن شاء الله
شكراً جزيلاً

بسم الله والصلاة والسلام علي رسول الله
جزاكم الله خيرا
فكرة اكتر من رائعة بس اللي عايش في مكان بعيد وصعب يروح الاماكن دي
ممكن يتبرع من مكانه ولو حتي بتمن الشاش او المكركروم مش اكتر من جنيه
وجزاكم الله خيرا
ورزقنا الثواب

فعلا يا اخت هند الطبيعي ان كل اللي يقدر على حاجه يعملها
وربنا يتقبل ان شاء الله
بارك الله فيكم

بارك الله فيك
وياريت الواحد كان ساكن فى القاهرة
كنا روحنا والله
بس ربنا عالم بالقلوب
ربنا معاهم ويشفيهم والبركه فيكم وفى كل المتطوعين

ربنا يبارك فيك وفي الشباب الحمد لله احنا بنتبرع في كذا مكان لاخوانا الفلسطنين وربنا يعز الاسلام والمسلمين في كل مكان ويقدرنا علي اننا نجاهد ولو بالدعاء ليهم بالنصر والعزه

ممتاز جزاكي الله خيرا